Die Mercurii vicesimo septimo mensis Aprilis anno 2016°
Unus suspectus nomine territoris adhuc vivus ex iis qui impetuum Lutentiensium die decimo tertio mensis Novembris anni bis millesimi decimi quinti participes fuerunt, Integer Abdeslam, die Mercurii mane, e Belgio profectus in Galliam pervenit. Praetor autem Lutetiensis eum esse judicibus tradendum nuntiavit, ut ipsi de eo quaestionem haberent. Cum mense praeterito Bruxellis comprehensus sit paucis diebus antequam aliae strages in urbe capite apud Belgas ederentur, iste bellator Mahumetanus, fanatico ardore incensus, paulo post nonam horam matutinam Gallis traditus est.
