Licet « Noctu stantes » lunae die mane ex area Reipublicae, a custodibus securitatis tranquille detrusi sint, eodem verisimiliter sunt redituri inter vesperum necnon in multa alia Gallica oppida.
Quorum societas nuntium concursus faciendi edidit in binas noctes, scilicet Lunae Martisque diebus vesperi, quamquam intra diem undecimum mensis Aprilis licentia Areae Lutetiensis occupandae valebat.
E praetorio Lutentiensi hunc novum concursum Reuteriani diurnarii sciscitati hoc acceperunt : « Quoniam Lege Gallica liberum est concursus faciendi, non est dubitandum quin occupatio fiat, nemine vetante. »
